ఢిల్లీ ఎన్నికలలో ఏ పార్టీకి మెజారిటీ రాలేదు. బీజేపీ, ఆం అద్మీ పార్టీలు ప్రతిపక్షంలో కూచుంటామంటూ ప్రకటించడంతో నెలకొన్న అనిస్చిత పరిస్థితిపై నా స్పందన

ఢిల్లీలో ఆం ఆద్మీ 
చీపురెట్టి ఊడ్చినా
కాంగిరేసుకి బుద్ధి రాదు
ఎంతసేపు ఏడ్చినా 

చేవలేని రాహులే
దేవుడంట వీళ్ళకి
డెమోక్రసీ ఇంజను
నడుస్తుందా నీళ్ళకి? 

ప్రతిపక్షం మాదంటూ
బిగుసుకున్న కేజ్రీవాలు
ఇంతలోనే చదివాడా
ఉద్ధండుల అనుభవాలు

అందుకుంటె తప్పేంటట 
కాంగిరేసు హస్తం 
అధికారం మీ చేతికిచ్చి 
అసలు రంగు మేం చూస్తాం  

చేతులు కట్టుకు కూచున్నారు
ఎందుకో బీజేపీ బేరగాళ్ళు 
లేదంటే దొరక్కపోరు 
ఒకరిద్దరు మాయగాళ్ళు 

మళ్ళీ ఎన్నికలొస్తే 
ప్రజలకేగా నష్టం
ఎన్నాళ్ళకు తీరుతుందో 
దేశానికి అరిష్టం 

కొడుకు

తండ్రి తనమీద పెట్టుకున్న
ఆశల్ని నిట్టనిలువునా
తుంచేసినవాడు
అవే ఆశలని తన
కొడుకు మీద పెంచుకుంటాడు 
ఆశల సౌధం నిర్మించుకుంటాడు
తన కొడుక్కి తన పోలిక రాదని
వాడికంత గట్టి నమ్మకమేమిటో!!!!!!!!!!

ఏమైపోయాయి మిత్రమా!!!

ఆ బుడిబుడి నడకలూ

బలపాలూ, పలకలూ

వానల్లో పడవలూ

వాగుల్లో ఈతలూ

ఏమైపోయాయి మిత్రమా

హోంవర్కు ఎగవేతలూ

మార్కుల్లో కోతలూ

నాన్నారి కోపాలూ

అనారోగ్యం నెపాలూ

ఏమైపోయాయి మిత్రమా

ఆ తుంటరి యాత్రలూ

ఆ వెన్నెల రాత్రులూ

కలిసి తాగిన బీర్లూ

తాగి తిరిగిన బజార్లూ

ఏమైపోయాయి మిత్రమా

ఆ ఫుట్ బోర్డింగ్ ఫీట్లూ

అమ్మాయిలకేసిన బీట్లూ

వారి అన్నలు కొట్టిన షాట్లూ

మనకు డాక్టర్లు కట్టిన కట్లూ

ఏమైపోయాయి మిత్రమా

అంతలో అయిపొయింది పెళ్ళీ

ఆనాటి రోజులోస్తాయా మళ్ళీ

పుట్టిళ్ళకి వెళ్ళిన పెళ్ళాలు

మనచేతికి దొరికిన కళ్ళాలు

ఏమైపోయాయి మిత్రమా

అబ్బాయిప్పుడు కాలేజీ

అమ్మాయికి త్వరలో మ్యారేజీ

ఆ సరదాలకు ఇక తావేదీ

భావసాగారమేలా ఈదేదీ????

నగరానికి వరదొచ్చింది

ఆ నగరం చుట్టూ గోదారి లేదు

క్రిష్ణమ్మా లేదు

నగరానికి ఓ పక్క సముద్రమూ లేదు

అయినా ఆ నగరానికి వరదొచ్చింది

కనిపించిన నేలంతా కాంక్రీటుగా మారుస్తుంటే

ఇంకలేని నీరేమో ప్రతి ఇంటినీ ముంచేసింది

పేదవాని స్వేదంలా వరదలై పారుతోంది 

నాగరీకుడా గుర్తించావా నీ ప్రాణం పోకడ

ఇకనైనా మట్టిని సిమెంటుగా మార్చడం మానెయ్యి

"చౌద్వీ కా చాంద్ హో" పాటకి నేను రాసిన పేరడీ

ఫెసుబుక్కు షేరువో లైకులేని పోస్టువో

ఎవరైనగాని నీవూ కామెంటే లేదు నీకు

ఫెసుబుక్కు షేరువో లైకులేని పోస్టువో

ఎవరైనగాని నీవూ కామెంటే లేదు నీకు

ఫెసుబుక్కు షేరువో

ఏ గ్రూపులోన నీవు తారాడుచుందువో

మెంబెర్స్ లేక అది అల్లాడుచుండునే

అలరించు గ్రూపులన్నీ అంతమై పోవునే

ఫెసుబుక్కు షేరువో

నీ ఫోటోలోన అందం అమావాస్య చంద్రమే

నీ జోకులోన హాస్యం నేతి బీరకాయనే

మేస్సేజు పెట్టి మరీ నువ్ చంపుతున్దువే

ఫెసుబుక్కు షేరువో

లేదేల జాలి తల్లీ ఈ బాదుడేలనే

రాబోవు తరాలకైనా  నీ పీడ తొలగునా

ఏకంగా ఫెసుబుక్కునే మూయిన్చమందువో

ఫెసుబుక్కు షేరువో లైకులేని పోస్టువో

ఎవరైనగాని నీవూ కామెంటే లేదు నీకు

ఫెసుబుక్కు షేరువో లైకులేని పోస్టువో

ఎవరైనగాని నీవూ కామెంటే లేదు నీకు

ఫెసుబుక్కు షేరువో

పుడమి తల్లి

ఒక చోట 
వాన కురిసింది
పుడమి తల్లి
ఒక మొక్కకి ఊపిరి పోసింది

ఇంకో చోట 
ప్రేమ కురిసింది
మరో తల్లి
ఓ బిడ్డకి ప్రాణం పోసింది!!!!

వానలు

ఒక వాన 
బోసిగా నవ్వుతుంది
చంటిపిల్లాడిలా

ఒక వాన
ఇలా వచ్చి అలా మాయమౌతుంది
నెలసరి జీతంలా....

ఒక వాన
రోజంతా కురుస్తూనె ఉంటుంది
టీవీ సీరియల్లా........

ఒక వాన
తడిపి ముద్దచేస్తుంది
తల్లి ప్రేమలా.......

ఒక వాన
వెచ్చని ఊహల్నిస్తుంది 
కొత్త పెళ్ళికూతుర్లా 

ఒక వాన
భళ్ళున కురుస్తుంది
చెలి భావోద్వేగంలా 

ఒక వాన
పోటెత్తుతుంది
రగిలిన సామాన్యుని గుండెలా

ఒక వాన
ఉప్పెనై వెంటాడుతుంది
ప్రళయకాల రుద్రునిలా......