ప్రతిమనిషీ తెలుసుకోక తప్పదులే మతమంటే
మానవతను నిలువెత్తున కప్పదులే మతమంటే
ప్రేమించుటె ఆరాధన దయాగుణం నైవేద్యం
ఆయుధాలు పట్టమనీ చెప్పదులే మతమంటే
కులాలతో అడ్డుగోడ కట్టువాడు స్వార్ధజీవి
ఎవ్వరినీ చెడుదారికి తిప్పదులే మతమంటే
మానవుడే సంఘజీవి సమానతే ఆదర్శం
చిన్న పెద్ద తేడాలను ఒప్పదులే మతమంటే
తేలికగా వీలుకాదు తెలుసుకొనుట ఈడూరీ
నమ్మకుంటె తనగుట్టును విప్పదులే మతమంటే
