అడవిలో.......

పదిమందికి నీడనిచ్చే

పచ్చని చెట్టు నేలకూలింది

వూరిలో......

పదిమంది కోసం

పోరాడే యోధుడు

నేలకొరిగాడు

అడవిలో.......

దేవుడు

దేవుడు మంచి రసికుడు

డిజైన్ లో ఘటికుడు 

చమట వాసనల

వేసవిలో ఇచ్చాడు

మత్తెక్కించే మల్లెపూలు

స్నానానికి బద్దకించే

చిలికాలంలో

జలుబు, రొంప అంటూ

మూసేశాడు ముక్కులు

సెల్లు - చిల్లు

ఇదేమి సెల్లండీ బాబూ

జీవితాలు చేస్తూంది ఖరాబు

టెలికాం కంపెనీలు కోకొల్లలు

ప్రకటనలేమో రసగుల్లలు

మనచుట్టూ తిరిగే బొచ్చు కుక్క ఒకటి

జీవితాన్ని మార్చేసే ఐడియా ఇంకొకటి

ప్రతి ఫ్రెండూ కావాలంటుంది ఒక కంపెనీ

మనని అడ్డంగా దోచేస్తున్నాయి ఇదేం పని?

సినిమాలు, పేపర్లు, జ్యొతిష్యం, క్రికెట్టు

సెల్లులోనె చూడొచ్చు ఇదెక్కడి కనికట్టు

బడుగైనా, బుడుగైనా, ఏ వయసువారైనా  

వుండాల్సిందే ఈ సెల్లు సంపాదన ఎంతైనా

పాలవాడు, కూరలోడు, ఆటోవాడు, పూలవాడు

ఉదయం నించి రాత్రిదాకా ఒక్కడేంటి ప్రతివాడూ

కాల్ చేస్తే వచ్చేస్తారు, సర్వీసులు ఇచ్చేస్తారు

రింగుటోను  మార్చలేదని మొగుడిని మార్చేసిందొకావిడ

తనకు సెల్లు కొనలేదని గొదాట్లోకి తోసింది మరొకావిడ

జాతకాలు మార్చేసే శక్తి వుందిరా మన సెల్లుకి

నెమ్మదిగా చేర్చుతుంది తీహారు జైలు సెల్లుకి

అందినంత దోచుకోవాలని తెచ్చారు టు జీ (2G)

దెబ్బతోటి రాజావారయిపొయారు మాజీ

మీ ఇంటిమీద వుందంటే మొబైలు టవరు

మగవారికి తగ్గుతుందట బాడీలోన పవరు

ఒకప్పుడు అడిగేవారు మీకెంత మంది పిల్లలు

ఇప్పుడదే ప్రశ్న అయ్యింది మీకెన్నున్నై సెల్లులు  

తాతయ్యకి వచ్చిందంటే మూడు

ముందుగా తన సెల్లే వెతుకుతాడు

నెమ్మదిగా ఇస్తాడు మిస్సుడు కాలు

ఇంక పరిగెత్తుకు వస్తారు బామ్మ గారు

మొబైలుతో పెరుగుతోంది కుర్రకారు హుషారు

బిల్లు చేతికందగానె తగ్గుతుంది మరి జోరు

ఒక్క మాట పెట్టుకోండి పదిలంగా మదిలో

ప్రమాదాలు తెచ్చుకోకండి పడిపోయి సోదిలో

టెక్నాలజీ వున్నది మన సుఖం కోసమే

అతిగా వాడితే ఏదైనా మొదటికి మోసమే

పెద్దలకు మాత్రమే

ఊపుమీదుంది చలికాలం

వేసెయ్యాలి వెచ్చని గాలం

విహంగం శ్రుంగార వినువీధిన

సరస సరస్సున రసాస్వాదన   

ఎప్పుడో పారిపోయాడు భానుడు

దుప్పటి తన్నేశాడు నెలబాలుడు

దీపమార్పితే చాలు దేహం రాజుకుంటూంది

నువ్వింకా రాలేదని తెగ గింజుకుంటూంది

నీ కన్నులు కమ్మని జున్నులు

అధరాలు మ్రుదుమధురాలు

ఆ ధరహాసాలు శ్రుంగార ఇతిహాసాలు

వురుములు మెరుపులు ఒంపు సొంపులు

అదను చూసి మదనుని కవ్వింపులు

కడదకా సాగిన వాలు జడ

నాదేనంది పెరుగువడ

చెలీ నెచ్చెలీ నులివెచ్చని మది గిచ్చనీ

సమ్మోహినీ ఈ రసధుని రేయంతా రగిలించనీ

కామినీ, గజగామినీ, రసభోగినీ చెలరేగనీ

ఇంతీ దమయంతీ పూబంతీ వరించనీ, పులకించనీ 

కోమలీ పురివిప్పిన నెమలీ ప్రణయ వీణలు మీటనీ

రమ్మని సరసమ్మని మధురమ్మని పిలిచావె జవ్వని

జాగేల మదనిక పద ఇక వెలిగించు తారాజువ్వని

‘ఇంట’రునెట్టు

అబ్బబ్బో ఈ అంతర్జాలం

మహా గొప్ప మాయాజాలం

ప్రతివారికీ వేస్తుంది గాలం

పనిచేస్తుంది ఆరుగాలం

వుందంటే ఇంట్లో ఇంటెర్నెట్టు

సమాచారం మీ ముందుకు నెట్టు

వెయ్యాలన్నా పెసరట్టు

వెతకాల్సిందే ఈ నెట్టు

ఆఫీసర్, మేనెజర్, ప్యూనూ క్లర్కు

పెంచుకుంటారు తమ తమ నెట్వర్కు

క్రోము, ఫైరుఫాక్స్ ఎక్స్ప్లోరర్ బ్రౌజర్లు

వెబ్ సైట్లకు తొడిగిన అందమైన ట్రౌజర్లు

ఎవడికొచ్చిన ఐడియా

ఇంత గొప్ప వికిపీడియా

ఎల్లలు హద్దులు లేవయా

ఇది సమాచార మాఫియా

అవినీతి బండికి వేసిన బ్రేక్సు

అసాంజీ వదిలిన వికిలీక్సు

వారందిస్తే సీక్రెట్ కేబుల్సు

మారిపొతాయి బేర్సు, బుల్సు 

ఏ మూలన వున్నా సూదులూ

ఇట్టే వెతికేస్తుంది గూగులూ

చిట్టిపొట్టి మాటల ట్విట్టరు

లేపింది మన నోటి షట్టరు

స్నేహానికిస్తుంది కిక్కు

భళిరా ఈ ఫేసుబుక్కు

అందరికుంటాయి గోడలు

వినిపిస్తాయి  వారి గోడులు

కోయిల కూతల కూహూ కూహూ

మోసుకొస్తుంది మెసెంజర్ యాహూ

ఏదైనా అమ్మాలంటే తెలివిగా

ఈబే లో పెట్టెయ్యి ముందుగా

ఆకాశానికి వేసెయ్ నిచ్చెనలు

నెట్ లోనే చేసెయ్ అర్చనలు

ఈ కాలం పెళ్ళిళ్ళ పేరయ్య

పనికూడా దీనిదే భయ్యా

అమ్మాయికి కొట్టాలన్నా సైటు

దొరక్కపోదు ఏదో వెబ్ సైటు

డేటింగు, మీటింగు, పదిమందితొ ఫైటింగు

అన్నీ దొరుకుతాయి ఇదెక్కడి  ఫిటింగు

శ్రుంగారంగా నంగా నంగా బొమ్మలు  

చూస్తూ గదిపేస్తారు కొందరు వాజమ్మలు

దేనికైనా వుంటుంది బొమ్మా బొరుసూ 

తెలుసుకుని వాడుకో తెలివిగా బాసూ