ఆ బుడిబుడి నడకలూ
బలపాలూ, పలకలూ
వానల్లో పడవలూ
వాగుల్లో ఈతలూ
ఏమైపోయాయి మిత్రమా
హోంవర్కు ఎగవేతలూ
మార్కుల్లో కోతలూ
నాన్నారి కోపాలూ
అనారోగ్యం నెపాలూ
ఏమైపోయాయి మిత్రమా
ఆ తుంటరి యాత్రలూ
ఆ వెన్నెల రాత్రులూ
కలిసి తాగిన బీర్లూ
తాగి తిరిగిన బజార్లూ
ఏమైపోయాయి మిత్రమా
ఆ ఫుట్ బోర్డింగ్ ఫీట్లూ
అమ్మాయిలకేసిన బీట్లూ
వారి అన్నలు కొట్టిన షాట్లూ
మనకు డాక్టర్లు కట్టిన కట్లూ
ఏమైపోయాయి మిత్రమా
అంతలో అయిపొయింది పెళ్ళీ
ఆనాటి రోజులోస్తాయా మళ్ళీ
పుట్టిళ్ళకి వెళ్ళిన పెళ్ళాలు
మనచేతికి దొరికిన కళ్ళాలు
ఏమైపోయాయి మిత్రమా
అబ్బాయిప్పుడు కాలేజీ
అమ్మాయికి త్వరలో మ్యారేజీ
ఆ సరదాలకు ఇక తావేదీ
భావసాగారమేలా ఈదేదీ????
No comments:
Post a Comment