ఆన్లైన్ క్లాసులతో అవస్థలు పడుతున్న పిల్లల మనోభావాలతో రాసిన ఘజల్ యిది. పూర్తిగా తెలంగాణ యాసలో రాసిన ఘజల్
ఆనులైను క్లాసులద్దు అర్థమైత లేదునాన
టీచరేమి చెబుతుందో బుర్రకెక్త లేదునాన
కరంటుంటె నెట్టుండదు రెండుంటే క్లాసుండదు
నిన్న ఏమి సదివిన్నో యాదికొస్త లేదునాన
మాయదారి కరోనచ్చి ఆగమాయే మా బతుకులు
ముందురోజులెట్లుంటయొ యివరమొస్త లేదునాన
బడికిపోయి సదువుకుంటె మస్తుగుండె ఆ రోజులు
ఇట్ల సదివి ఏమైతమొ లెక్కకొస్త లేదునాన
సదువు సంకనాకిపాయె తప్పునాది ఎందుకాయె
కోపమొచ్చి అమ్మగూడ ముద్దులిస్త లేదునాన
No comments:
Post a Comment