Monday, October 13, 2014

ఘజల్


ప్రేయసితో ప్రియుని మాట పరిమళమే ఘజల్
ఇరు మనసుల విరిసిన సిరి సోయగమే ఘజల్

వలపు వరదలో నిండా మమేకమయ్యేటి   
అనురాగపు జంటల యుగళ గీతమే ఘజల్

విరహముతో రగులుతున్న జతగాడి కోసం
చెలి కబురు మోసుకొచ్చే మారుతమే ఘజల్

వెతల లోతుల చితికి వేసారిన బతుకులకి
మదిని మరులు గొలిపే చెలిమి హస్తమే ఘజల్ 

ఈడూరి, రతిదేవి పూనిన ప్రేమ జంటకు
మదనుడు సారించిన పూల బాణమే ఘజల్