మాకుంది

తాడో పేడో తేల్చుకునే ధైర్యం మాకుంది
విజయాలు దక్కించుకునే సైన్యం మాకుంది

కాలంచెల్లిన ముసలితరం పాలన మాకొద్దు
నవచైతన్యం నింపే యువతరం మాకుంధి

సర్వనాశనం చేసే అణుబాంబులు మాకొద్దు
సహనం గెలిపించే సత్యాగ్రహం మాకుంది

గారడీలు చేసే మూఢాచారం మాకొద్దు
నిజాల నిగ్గును తేల్చే విజ్ఞానం మాకుంది

అరుపులు కేకల అరువు సంగీతం మాకొద్దు
హ్రుదయం కదిలించె భావగీతం మాకుంది

అంతులేని రహస్యాల ఆకాశం మాకొద్దు
అన్నదాత నమ్ముకున్న పుడమితల్లి మాకుంది

ఈడూరీ, పెత్తనం చేసే పెద్దన్నలు మాకొద్దు  
సైనికులై నడిపించే నాయకత్వం మాకుంది

ఫేసుబుక్కు

రండి చూడండి ఈ ఫేసుబుక్కు

ఎందరికో ఇస్తుంది మంచి కిక్కు

ఇక్కడ కొందరికి కలిసొస్తుంది లక్కు

మొత్తానికి ఇది భలే మేజిక్కు

ఆడవారి పోస్టులకి లైకు మీద బోల్డు క్లిక్కు

మగవారికిమాత్రం చాలా బ్యాడులక్కు

ఏమిటి ఈ లింగబేధం అని అడక్కు

దొరకని జవాబులు ఎన్నటికీ వెతక్కు

స్నేహితుల కామెంట్స్  పొగరు తలకెక్కు

చివరాఖరికి మిగిలేది ఒట్టి తుక్కు

మరణం తరువాత

చూడాలని ఉంది నాకు చందమామ వెనుక కూడా

చేరాలని ఉంది నాకు దిగంతాల ఆవల కూడా

 

ఉరకలేసే లేత మనసు అణిగి మణిగి ఉండలేదు   

ఆడాలని ఉంది నాకు బాల్యం  తరువాత కూడా

మనసు తోడు రాకుంటే విజయానికి విలువెక్కడిది

గెలవాలని ఉంది నాకు ఓటమి తరువాత కూడా

ప్రేమ అమరమనుకుంటే అంతమన్న మాటెందుకు

రమించాలనుంది నాకు ప్రణయం తరువాత కూడా

కానరాని లోకాలపై మమకారం నాకెందుకు

బతకాలని ఉంది నాకు మరణం తరువాత కూడా

విటుడు – నటుడు

ఓ వంద నోటు పారేసి

ఆనందం కొనుక్కుంటాడు

రాసలీల విటుడు 

అదే వంద నోటు పారేసి

అసెంబ్లీ సీటు కొంటాడు

రాజకీయ నటుడు

వై దిస్ కొలవెరి

ఎన్నో వూడల పాటల మర్రి
ఏమిటోనండీ ఈ వేలంవెర్రి
ఏ నోట విన్నా వై దిస్ కొలవెరి
కుర్రకారు బుర్రల్లో చేరి
ప్రతినోటా పాట కచేరి
రోజుకో వెర్షన్లో మారి
మళ్ళిస్తూంది మనసుల దారి
సచిన్ గారి వందో సెంచరీ
సోనునిగం పుత్రుడి మాకరీ 
తెలంగాణా వాదుల వర్రీ
అంధ్రాలో కుర్రాళ్ళ అల్లరి
ఏ మూసలోనైనా శిల్పంగా మారి
అలరిస్తోంది అదేంటో మరి

శ్రీరామరాజ్యం

 

బాపూ గీసిన రమణీయ ద్రుశ్యం
ఇళయరాజా మోగించిన కమ్మని బాజా
ముళ్ళపూడివారి మురిపించే మాటలు
జొన్నవిత్తిన సొగసరి సాహిత్య సేధ్యం
కనులవిందు గావించె శ్రీరామరాజ్యం
వాల్మీకిగా వెలిగె ఎదురులేని అక్కినేని
వసిష్టుడు ఎవరో కాదయ్యా, మునుపటి బాలయ్య
రామునివేషం కట్టె నందమూరి మేటి, నేటి బాలయ్య
నయనానందముగ సీతమ్మను నిల్పిన తార నయనతార
దారాసింగు గారాల తనయుడు ఆంజనేయునిగ చేసె కను’విందు’
శ్రీకాంతుడైనాడు లక్ష్మణుడు, సమీరు భక్తినిరతుడు భరతుడు
లవుడుగా మురిపించినవాడు గౌరవుడు
కుశుడుగా అలరించెను ధనుష్
మగధీర కణ్ణన్ చేసెను గ్రాఫిక్కుల ట్రిక్కులు
పి ఆర్ కే రాజు కెమేరా చూపించెను నలుదిక్కులు
ఇంతగొప్ప చిత్రమందించిన నవాబు యలమంచిలి సాయిబాబు
మేటితారలతో ధాటిగా నిర్మించిరి శ్రీరామరాజ్యం
అట్టి రమణీయ రంగులకల బాపు రమణలకే సాధ్యం
నెలతప్పిన సీతమ్మ నడుముకు వేలాడిన చింతకాయ
భావవ్యక్తీకరణలో ముళ్ళపూడివారిది పెద్దతలకాయ
బాలహనుమంతుని చమక్కు రమణ మార్కు గిమ్మిక్కు
మంగళకరమౌ ఈ సినిమా చక్కగ చూపెను రాముని మహిమ
పుల్లయ్యగారి లవకుశ యుగయుగాల మధ్యం
నేటి తెలుగుతరానికి దక్కెను శ్రీరామరాజ్యం

ఘంటసాల

పాటల పర్ణశాల
మన ఘంటసాల
సరిగమల స్టారు
ఈ గడసరి మాస్టారు
పాడిన ప్రతిపాటా
మోగుతునే ఉంది ఇంటింటా
ఎన్నేళ్ళైనా ఈ పాటల చిరంజీవి
ఏలుతునే వుంటారు సరిగమల భువి

భగవద్గీత పాడిన భక్తుడు
శివరంజని అందించిన ఘనుడు
శ్రుంగారమొలికించిన రసికరాజు
కంచుకంఠానికి తరాజు
పుష్పవిలాపం పాడిన మనీషి
దినకరుని నిదురలేపే మహర్షి

కోలొ కోలో యన్నది ఘంటసాల గళము
నిద్రలేచెనంతట మహిళా లోకము
మౌనముగా నా మనసుపాడెను వేణుగానము
ప్రేమయాత్రలకు బ్రుందావనము నందనవనము ఏలనో
చాలదా ఘంటసాల గళము
ఐనా నేను మారలేదు నా కాంక్ష తీరలేదు

నిన్నలేని అందమేదో నిదురలేచెను
భలేమంచిరోజు, పసనందైన రోజు
నీవు పుట్టావు ఈలోకం మెచ్చింది
అందమే ఆనందం ఆనందమె జీవిత మకరందం
కుడిఎడమైనా పొరపాటు లేదోయ్
నీ గానామ్రుతము మరిచేది కాదోయ్