మరణం తరువాత

చూడాలని ఉంది నాకు చందమామ వెనుక కూడా

చేరాలని ఉంది నాకు దిగంతాల ఆవల కూడా

 

ఉరకలేసే లేత మనసు అణిగి మణిగి ఉండలేదు   

ఆడాలని ఉంది నాకు బాల్యం  తరువాత కూడా

మనసు తోడు రాకుంటే విజయానికి విలువెక్కడిది

గెలవాలని ఉంది నాకు ఓటమి తరువాత కూడా

ప్రేమ అమరమనుకుంటే అంతమన్న మాటెందుకు

రమించాలనుంది నాకు ప్రణయం తరువాత కూడా

కానరాని లోకాలపై మమకారం నాకెందుకు

బతకాలని ఉంది నాకు మరణం తరువాత కూడా