మాకుంది

తాడో పేడో తేల్చుకునే ధైర్యం మాకుంది
విజయాలు దక్కించుకునే సైన్యం మాకుంది

కాలంచెల్లిన ముసలితరం పాలన మాకొద్దు
నవచైతన్యం నింపే యువతరం మాకుంధి

సర్వనాశనం చేసే అణుబాంబులు మాకొద్దు
సహనం గెలిపించే సత్యాగ్రహం మాకుంది

గారడీలు చేసే మూఢాచారం మాకొద్దు
నిజాల నిగ్గును తేల్చే విజ్ఞానం మాకుంది

అరుపులు కేకల అరువు సంగీతం మాకొద్దు
హ్రుదయం కదిలించె భావగీతం మాకుంది

అంతులేని రహస్యాల ఆకాశం మాకొద్దు
అన్నదాత నమ్ముకున్న పుడమితల్లి మాకుంది

ఈడూరీ, పెత్తనం చేసే పెద్దన్నలు మాకొద్దు  
సైనికులై నడిపించే నాయకత్వం మాకుంది