Tuesday, November 15, 2011

వి వి యెస్ లక్ష్మణ్


కలకత్తాలోని ఈడెన్ గార్డెన్
వి వి యెస్ లక్ష్మణ్ కి అదో పెద్ద డెన్
అన్ని మాచులూ బాగా ఆడెన్
ప్రతిసారీ పరుగుల పంట పండెన్
బౌలర్ల కంట కన్నీరు నిండెన్
ప్రత్యర్ధి గావుకేక వినబడెన్
తెలుగోడి సత్తా కనబడెన్

Friday, November 11, 2011

హైదరాబాదు


 
హైదరాబాదు రహదారులు
నరకానికి అవి అడ్డదారులు
వేశావంటే బయటకు అడుగు
చుక్కలు కనబడకుంటే నన్నడుగు
లెఫ్టూ రైటూ జనాలకి తెలియవు
ట్రాఫిక్ లైట్లు ఎన్నడూ వెలగవు
పొలీసులు నడిచే ఏటీయెమ్ములు
జేబులు నింపును అవినీతి సొమ్ములు
పామరులకు తప్పవు చలానులు 
ధనవంతులకేమొ సలాములు
రాత్రంతా రోడ్లపై గొప్పోళ్ళ పిల్లల రేసులు
తెల్లారితే బస్సులకోసం రన్నింగ్ రేసులు
బండున్న ప్రతివాడూ ప్రతిభావంతుడు
రోడ్డెక్కితే అశోకవనంలో హనుమంతుడు
ఈ నగరానికి ముద్దుపేరు హైటెక్ సిటీ
దారంతా శవాల గుట్టలు వాట్ ఎ పిటీ

Tuesday, November 8, 2011

కోతికొమ్మచ్చి


ఆడేద్దాము కోతికొమ్మచ్చి
చేరండర్రా అందరు వచ్చి
సరదా పూలను చక్కగ గుచ్చి
ఆనందిద్దాం అందరికిచ్చి
మనలాంటెన్నో కోతులు తెచ్చి
పెంచేద్దాము కపిత్వపు పిచ్చి

Sunday, November 6, 2011

Isolation


In isolation oh my dear
Look for me deep within you
Not just there and here
You will find me anew
In the deepest memory lane
Waiting for you all alone 

Friday, November 4, 2011

పెట్రోలు

మళ్ళీ పెరిగిందట పెట్రోలు
ప్రభుత్వానికి లేదు కంట్రోలు
కావాలంటే సంపాదించాలి యూరోలు
కొనడానికే చాలదు మన పేరోలు
మన లీడర్లంతా ఒట్టి జీరోలు
లేవండర్రా కవితల హీరోలు
మనకూ ఉంది సమాజంలో ఒక రోలు
వలిచేద్దాము నేతన్నల తోలు

Sunday, October 30, 2011

అన్నారు


చదువుకుందామని వెళితే రిజర్వేషన్ కాదన్నారు
చదువు కొందామని వెళితే తాహతు సరిపోదన్నారు 
రేషనుకార్డు కోసం వెళితే ఆధారం లేదన్నారు
ఓటువేద్దామని వెళితే వోటరువి కాదన్నారు
వుద్యోగంకోసం వెళితే అనుభవం కావాలన్నారు
తిక్కరేగి నలుగుర్ని చితకబాది వెళితే
నా వెంటే వచ్చి నువ్వే మా లీడరువన్నారు