చేరుకుంటావు

కన్ను కన్ను కలపకనే జారుకుంటావు
లోలోపల నన్నే నువు కోరుకుంటావు  

చూడనట్టుగ నా ఎదుటే నడిచి వెడుతూ     
తలనుతిప్పి వెనకెనకే చూసుకుంటావు 

నక్కి నక్కీ నేనెచటో దాగి ఉంటే
మదిలోనే విరహ గీతి పాడుకుంటావు  

నే నడిచిన దారిలో ఏ మాయ ఉందో 
వంగి వంగి ఏదొ తీసి దాచుకుంటావు 

ఒక్క చూపు తగ్గినా ఆగునా కాలం  
అనుక్షణం నాకొరకే కాచుకుంటావు

వేల పున్నముల వెన్నెలే కద నీ ప్రేమ   
కాదన్నా ఈడూరిని చేరుకుంటావు