చూడాలని ఉంది

వేల నెమళ్ళు నాట్యం చేస్తే చూడాలని ఉంది
కోయిల గుంపులు రాగం తీస్తె చూడాలని ఉంది

అనంత విశ్వపు అందాలన్నీ దేవుడి సృష్టే   
అంతటి దైవం ఎదురుగ వస్తె చూడాలని ఉంది

వేషం భాష వేరైనా మానవ జాతి ఒకటే 
మనిషీ మనిషి కలిసి నడిస్తే చూడాలని ఉంది

మనిషితనమే కరువైన ఈ కాలపు రోజుల్లో    
మంచితనం వానై కురిస్తే చూడాలని ఉంది

ఉన్మాదమే ప్రేమగ భావించె పాషాణాలకి 
మనసులే మల్లెలుగా పూస్తే చూడాలని ఉంది  

కల్తీ లేనిది ఏదీలేని ప్రస్థుత తరుణంలొ  
అమ్మ ప్రేమను ఇల్లాలిస్తే చూడాలని ఉంది  

అందరు మెచ్చే పని అద్భుతమేగా ఈడూరీ      
ఇలాటి జన్మ మళ్ళీ వస్తే చూడాలని ఉంది