Tuesday, November 22, 2011

‘ఇంట’రునెట్టు



అబ్బబ్బో ఈ అంతర్జాలం
మహా గొప్ప మాయాజాలం
ప్రతివారికీ వేస్తుంది గాలం
పనిచేస్తుంది ఆరుగాలం
వుందంటే ఇంట్లో ఇంటెర్నెట్టు
సమాచారం మీ ముందుకు నెట్టు
వెయ్యాలన్నా పెసరట్టు
వెతకాల్సిందే ఈ నెట్టు
ఆఫీసర్, మేనెజర్, ప్యూనూ క్లర్కు
పెంచుకుంటారు తమ తమ నెట్వర్కు
క్రోము, ఫైరుఫాక్స్ ఎక్స్ప్లోరర్ బ్రౌజర్లు
వెబ్ సైట్లకు తొడిగిన అందమైన ట్రౌజర్లు
ఎవడికొచ్చిన ఐడియా
ఇంత గొప్ప వికిపీడియా
ఎల్లలు హద్దులు లేవయా
ఇది సమాచార మాఫియా
అవినీతి బండికి వేసిన బ్రేక్సు
అసాంజీ వదిలిన వికిలీక్సు
వారందిస్తే సీక్రెట్ కేబుల్సు
మారిపొతాయి బేర్సు, బుల్సు 
ఏ మూలన వున్నా సూదులూ
ఇట్టే వెతికేస్తుంది గూగులూ
చిట్టిపొట్టి మాటల ట్విట్టరు
లేపింది మన నోటి షట్టరు
స్నేహానికిస్తుంది కిక్కు
భళిరా ఈ ఫేసుబుక్కు
అందరికుంటాయి గోడలు
వినిపిస్తాయి  వారి గోడులు
కోయిల కూతల కూహూ కూహూ
మోసుకొస్తుంది మెసెంజర్ యాహూ
ఏదైనా అమ్మాలంటే తెలివిగా
ఈబే లో పెట్టెయ్యి ముందుగా
ఆకాశానికి వేసెయ్ నిచ్చెనలు
నెట్ లోనే చేసెయ్ అర్చనలు
ఈ కాలం పెళ్ళిళ్ళ పేరయ్య
పనికూడా దీనిదే భయ్యా
అమ్మాయికి కొట్టాలన్నా సైటు
దొరక్కపోదు ఏదో వెబ్ సైటు
డేటింగు, మీటింగు, పదిమందితొ ఫైటింగు
అన్నీ దొరుకుతాయి ఇదెక్కడి  ఫిటింగు
శ్రుంగారంగా నంగా నంగా బొమ్మలు  
చూస్తూ గదిపేస్తారు కొందరు వాజమ్మలు
దేనికైనా వుంటుంది బొమ్మా బొరుసూ 
తెలుసుకుని వాడుకో తెలివిగా బాసూ

Friday, November 18, 2011

చిట్టి కప్ప

కప్పలు కప్పలు చిరు చిరు కప్పలు చిట్టి చిట్టి కప్పలు
గెంతులేయుచుండె చిట్టి పొట్టి కప్పలు
వాటికెదురుగ పొడవాటి స్తంభమొకటి వుండెను
ఇంతలోనె ఒక కప్పకు కోర్కె ఒకటి కలిగెను
ఆ స్తంభాన్నెక్కుదాం, ఎవరు ముందు శిఖరాన్ని  చేరెదరో
చూద్దాము అన్నది ఆ కప్ప చిట్టి పొట్టి చిరుకప్ప
పడుతూ తిప్పలు ఎక్కసాగె కప్పలు
కొన్ని కప్పలెక్కసాగె, కొన్నేమో చూడసాగె
కిందనున్న కప్పల్లో ముందరుండె తెలివైనవి,
స్తంభమెక్కలేవుగాని సతాయించగల కప్పలు
పకపక బెకబెక తికమక పెడుతున్నవి
ఎక్కుతున్న కప్పల్ని వెటకారం చేస్తున్నవి
చాలా కష్టం, చాలదు శక్తి, తీరని నష్టం, తర్వాత మీ ఇష్టం
అని భయపెదుతున్నవి ఎక్కుతున్న కప్పల ధైర్యాన్ని తగ్గిస్తున్నవి
ఆ మాటతో కప్పలు తోకముడుచుచుండెను
ఒక్కొక్కటె నెమ్మదిగా కిందికి దూకుచుండెను
చిట్టికప్ప ఒకటి మాత్రం మాట వినకుండెను
ఎవ్వరేమన్న గాని ముందుకెళ్ళుచుండెను
తన వెనకెవరూ లేరను విషయమెరుగకుండెను
ముందుకె దాని పయనం జోరుగ సాగుచుండెను
ఎవరెంత నీరుగార్చినా ఈ కప్పకు లెక్కలేదు, వుత్సాహం తగ్గలేదు
లక్ష్యంపై గురి తప్పలేదు, వెనుతిరిగి చూడలేదు పైదాకా ఎక్కెను
విజేతగా వచ్చెను, అన్ని కప్పలు దాన్ని చూసి ఆశ్చర్యం చెందెను
దాని విజయ రహస్యమేమని తల్లడిల్లె కప్పలు, ఊపసాగె తోకలు
ఎన్ని కప్పలడిగినా నోరుమెదపకుండెను
తరచి చూడ ఆ కప్పకు చెవుడు మెండుగుండెను 
చెవిటి కప్ప ఎక్కునపుడు వీటిమాట వినలేదు
అందుకనే వెనుక తిరిగి చూడలేదు
చెవిటి కప్ప వలన మనకు గొప్ప నీతి తెలిసెను
నీ లక్ష్యం చేరు వరకు విజయం చేజిక్కు వరకు
చెడుమాటలు వినరాదు, నీరసించి పోరాదు
చెవిటిగానె పోరాడు, విజేతగా నిలబడు

Wednesday, November 16, 2011

బంగారు నగలు


తెల్లారగానే పుస్తకాల సంచీ భుజానేసుకుని 
బడికెళ్ళిపోయే స్కూలు పిల్లాడిలానే 
కష్టాల పొద్దుపొడవగానే భాధ్యతల బరువు
నెత్తినేసుకుని తాకట్టు కొట్లోకెళ్ళిపోతాయి బంగారు నగలు