నీగురించి

ట్విట్టరులో ట్వీటులెన్నొ పెట్టానే నీగురించి 
ఫేస్బుక్లో లైకులెన్నొ కొట్టానే నీగురించి  

అందమైన నీఫొటోలు పదికాలాలుండేలా
ఇన్స్టాగ్రాం మెమొరీలో దాచానే నీగురించి
  
రాసుకున్న లేఖలన్ని చేయిజారి పోకుండా
వాట్సాప్లో మెసేజులే చేశానే నీగురించి

కమ్మనైన కబురులెన్నొ చెబుతావని ఆశించీ 
హ్యాంగౌట్లో ఎదురుచూపు చూశానే నీగురించి

ఈడూరిని హీరోగా చిత్రిస్తూ కథలనల్లి
వైబరులో వైభవంగ పేర్చానే నీగురించి