నీ తలపు

ఉదయం తాగిన కాఫీ రుచిలా హాయిగ వుందే నీ తలపు
మల్లెల వాసన తాకిన మదిలా మత్తుగ వుందే నీ తలపు

ఘడియే యుగముగ గడిపెను చూడూ విరహం వీడని నా మనసు   
తొలకరి జల్లుల చిరువాసనలా చిక్కగ వుందే నీ తలపు

ఎపుడూ చూడని ఏవో రంగులు విరిసెను నాలో ఈనాడు 
నింగిలొ మెరిసిన తారక లాగా తళుకుగ వుందే నీ తలపు

అందాలన్నీ ఒకటై చేసే అల్లరి నాట్యం నీ నడక 
అపుడే విరిసిన తామరలాగా సొంపుగ వుందే నీ తలపు

నీవే ఎపుడూ పక్కన వుంటే చిరంజీవి కద ఈడూరి   
చేదే తగలని వైద్యంలాగా తీయగ వుందే నీ తలపు