చిగురించిన గజలులాగ వెంటాడుతు ఉంటావూ
మనసులోని భావంలా మాటాడుతు ఉంటావూ
అద్దంలో చూసుకుంటె నీలానే ఉంటున్నా
అనుక్షణం నాలోనే తారాడుతు ఉంటావూ
సద్దులేని భాషలాగ మౌనంగా ఉంటూనే
నీ ఉనికిని కోరుకుంటు పోరాడుతు ఉంటావూ
నిన్ను వదలి ఉండలేను అదినాకూ తెలుసునులే
జ్ఞాపకాల గొలుసుపట్టి వేలాడుతు ఉంటావూ
నీ చెంతలొ ఈడూరికి ఏచింతా ఉండదులే
నీడలాగ వెన్నంటీ కాపాడుతు ఉంటావూ
No comments:
Post a Comment