బాల్యం

పుస్తకాల సంచిలోనె నాబాల్యం నలుగుతోంది
ఆరుబయట ఆడుకునే సౌకర్యం కరుగుతోంది

రంగు రంగు బట్టలతో పెరగాల్సిన వయసులోన
సర్కసులో జోకరులా ఆహార్యం మిగులుతోంది

వేలికొనల మీద నేడు ప్రపంచమే ఆడుతోంది
గదిగోడల మధ్యలోనె నామాన్యం వెలుగుతోంది

తల్లిదండ్రి కర్కశులై హాస్టల్లో పడవేస్తే
మమతలకే దూరంగా నారాజ్యం రగులుతోంది

పిల్లలంటె భూమి మీద దేవతలే ఈడూరీ
రానురాను పసివాళ్ళకి ఆ భాగ్యం తరుగుతోంది