ఇంకొక దీపావళి గజల్

చీకటితో వెలుగు చేయు పోరాటం దీపావళి
టపాసులే కాల్చుకునే ఆరాటం దీపావళి

బాంబులన్ని కాల్చేసీ కాలరెత్తి తిరగాలని
మరదలెదుట బావగారి ఉబలాటం దీపావళి

దొరికినన్ని టపాసులూ కొనితెచ్చుకోవాలాని
పిల్లకాయలందరికీ బులబాటం దీపావళి

కళ్లుచెదురు ధరలతోటి చిల్లులున్న జేబుతోటి
సగటు మనుషులెదుర్కొనే పితలాటం దీపావళి

ఆనందం ఎంతున్నా ఈడూరీ నిజానికీ
శివకాశీ శ్రామికులకు చెలగాటం దీపావళి