తెలియలేదు

మొదటిసారి నిన్నుచూసి మనసునెలా జార్చానో తెలియలేదు
రాసుకున్న ప్రేమలేఖ నీదరికెలా చేర్చానొ తెలియలేదు

చినదానా ఉడుముపట్టు పట్టి నీవు బిగుసుకోని కూచుంటే 
ముగ్గులోకి లాగేందుకు ఏమి వండి వార్చానో తెలియలేదు

నువ్వు వచ్చి చేరాకా రాకెట్లా సాగుతోంది ఈ పయనం 
ప్రేమలోకి దిగినాకా ఏ గేరుని మార్చానో తెలియలేదు 

పరిమళించు మనసుతోటి పల్లవిలా చేరావే ఎదలోనికి 
పాడుకున్న ప్రేమగీతికేరాగం కూర్చానో తెలియలేదు
    
ఈడూరికి నీవులేక ఘడియైనా యుగమేలే ఈ జగాన 
గొంతుదాటి జారిపడని గరళమెలా ఓర్చానో తెలియలేదు