సరే సరే

నా తోడిక క్షణమైనా వద్దంటే సరే సరే 
చేసుకున్న బాసలన్ని రద్దంటే సరే సరే

గులాబీల పరిమళాలు మనకేమీ కొత్త కాదు 
పువ్వు కాదు కంటకమే ముద్దంటే సరే సరే 

ఎల్లలేవి లేకుండా ప్రేమవిందుకాశపడితె 
ఇకనుండీ ముళ్ళకంచె హద్దంటే సరే సరే 

కలిసివున్న కాలంలో అనుభూతులు ఎన్నెన్నో
కలలన్నీ తెల్లారని పొద్దంటే సరే సరే

ఈడూరికి ఈ కష్టం దాటడమే తెలియనిదా 
శనిదేవుడె మనపెళ్ళికి పెద్దంటే సరే సరే