మేఘం

ప్రియురాలీ ప్రేమలాగ కురిసిందొక మేఘం
పట్టుజరీ అంచులాగ మెరిసిందొక మేఘం

పచ్చచీర కట్టుకున్న పుడమిలాగ నవ్వుతు 
ప్రియునిగన్న ప్రియురాలై మురిసిందొక మేఘం 

ఆకసాన నక్షత్రపు సమూహాల సాక్షిగ 
వలపువిరుల జడివానలొ తడిసిందొక మేఘం

తాజుమహలు చూడగానె పెరుగునులే ప్రేమలు 
ప్రేమగాధ స్మారకమై వెలిసిందొక మేఘం

ఈడూరీ బరువెక్కిన హృదయంతో నేడూ   
విరహినిలా చెలికాడిని కసిరిందొక మేఘం