ఒక్కక్షణం

నీఅడుగుతొ నా అడుగులు కలపనివ్వు ఒక్కక్షణం  
నీకన్నుల ఊసులేవొ చదవనివ్వు ఒక్కక్షణం

నీరూపమె నిండివుంది అణువణువూ నామేనిలో    
నాగుండెల ప్రేమగంట మోగనివ్వు ఒక్కక్షణం

చకోరమై చూశానే నీకోసం ప్రతిక్షణమూ  
నీపెదవుల మకరందం తాగనివ్వు ఒక్కక్ష ణం 

పదహారూ అణాలెత్తు సౌందర్యం నీదేనులే  
అచ్చతెలుగు అందాలను మోయనివ్వు ఒక్కక్షణం  

ఈ కల యిక ఆగిపోవుననే భయం తొలుస్తున్నది  
నీవలపుల సుమగంధం కురవనివ్వు ఒక్కక్షణం