గోదావరి

నింగినుండి జారిపడ్డ మెరుపల్లే మెరుస్తోంది గోదారీ 
పుష్కరాల శోభలన్ని తనలోనే పరుస్తోంది గోదారీ   

కలకాలం కనులవిందు కలిగిస్తూ పాడిపంటలందిస్తూ
గోదావరి జిల్లాలకు తన ప్రేమే పంచుతోంది గోదారీ 
  
కొండలలో కోనలలో వాగులతో వంకలతో పదము కలిపి
చక్కనైన జానపదుల గీతాలను పాడుతోంది గోదారీ

ఎల్లెడలా పరుగులెడుతు ఆరుగాలమలరిస్తూ నీరిస్తూ   
రైతన్నల కంటి నీరు తనచేత్తో తుడుస్తోంది గోదారీ 

ఈడూరీ పాపికోండలొకవైపూ పంట చేలు ఒకవైపూ 
ప్రకృతియను పట్టు చీర కట్టుకునీ మురుస్తోందీ గోదారీ