వచ్చింది (ఘజల్)

ఆమె నవ్వులో ఏడురంగుల చాపం వచ్చింది
ఆమె చూపుతో నా ప్రేమకు రూపం వచ్చింది 

నాతో స్నేహం నీకు సరేనా అని అడగాలనుకుంటే  
ఆమె మోములో చిరునవ్వే జవాబు వచ్చింది 

ప్రేమ కుట్టిన ప్రతివాడూ పసిపాపడు కాదా  
ఆమె రాకతో నాలో మళ్ళీ బాల్యం వచ్చింది

నాలో నాకే అన్నీ కొత్తగా అనిపిస్తుంటేనూ    
ఆమె తోడులో ఏదో తెలియని ధైర్యం వచ్చింది

ఇంక జాగేల ఈడూరీ కదలవోయ్ ముందుకి   
ఆమె చేతితో చేతిని కలిపే సమయం వచ్చింది