అతడు ఆరడుగుల అందగాడు
తెల్లగా ఐస్ క్రీం పుల్లలా ఉంటాడు
అందంగా నవ్వుతాడు
అన్నింటా ముందుంటాడు
అతడు కంటిచూపుతో చంపేస్తాడు
అతని రక్తంలో భయంలేదు
అతను గుద్దితే రాళ్ళు పగులుతాయి
అతడు అన్యాయాన్ని సహించడు
న్యాయం కోసం ఎవరినైనా ఎదిరిస్తాడు
ధర్మాన్ని ఎప్పుడైనా రక్షిస్తాడు
పేదలకు అండగా నిలబడతాడు
పెన్నిధిని ఏనాడూ ఆశించడు
కానీ ఇదంతా తెరమీదే
నిజజీవితంలో అతడు
మందుని మార్కెట్ చేస్తాడు
చెరువుని ఆక్యుపై చేస్తాడు
డబ్బుకోసం పార్టీ అమ్మేస్తాడు
గూండాలతో జనాన్ని కొట్టిస్తాడు
మీరు ఊహించింది నిజమే
అతడు మన తెలుగు సినిమా హీరో
evarini uddeshinchi annaru cheppagalara ?
ReplyDelete