తాత-మనవడు చిత్రంలో “అనుబంధం ఆత్మీయత అంతా ఒక బూటకం” అని సినారె గారు రాసిన పాటకి నా పేరడీ

ఎన్నికలు, ఫలితాలు అంతా ఒక బూటకం

పదవులకై పందికోక్కులాడుకునే నాటకం

లోక కంటకం          ||ఎన్నికలు||

ఏది గెలుపు ఏది బలుపు

ఎందుకు ఆ తెగని ముడి

కొన ఊపిరిలో ఎందుకు ప్రజాస్వామ్య లోగిలి

అలసిన ఓటరుపై కనికరం ఎవ్వరికి.....ఎవ్వరికి

వాడు కాలుతున్నా, మసిమాడుతున్నా

గెలుపే కావాలి పార్టీలకి, అన్ని పార్టీలకి     ||ఎన్నికలు||

ఎమ్మెల్యే నీకూ ఒకడున్నాడు

వాడు నిధులను ఏనాడో దోచుకున్నాడు

ఐదేళ్ళలో ఏనాడూ ఇటు రాలేదు

మళ్ళీ గెలిస్తే వస్తాడను ఆశ లేదు

ఎవరయ్యా వినేది నీ అత్మఘోషను

ఏనాడూ గెలిపించకు ఈ లీడర్లను

ఈ లీడర్లను    ||| ఎన్నికలు||

ఐదేళ్ళ పాలనకై కలవరించు మూఢునికి

ఓటరన్న గుండెకోత తెలిసేనా ఎన్నడైనా

లాలుబత్తి వెలుగులకై

పరితపించు లీడర్లకి

ఆకలిదప్పుల రోదన వినిపించేనా      ||ఎన్నికలు||