చాలు నాకు (Ghazal)

దినమంతా నీనామం జపిస్తే చాలు నాకు 
బతుకంతా నీతోనే గడిస్తే చాలు నాకు   

వీఐపీని కానుగా పాసులు పట్టుకురాలేను    
అరక్షణం కనులారా దర్శిస్తే చాలు నాకు  

పొట్టలేవీ కొట్టలేదు,కిరీటాలు చేయించలేను  
నీ పాదాలకు పూలను అర్పిస్తే చాలు నాకు    

భూదందా రాదుగా, గుడులను కట్టించలేను  
గుండెగుడి లోనిన్ను స్మరిస్తే చాలు నాకు  

ఈడూరిని నేను, మరోలా నటించలేను    
ఘడియైనా నీకరుణ కురిస్తే చాలు నాకు