ప్రేమకు ఎవరైతే ఏమిటి మనసుంటే చాలదా?
దేవుడు ఎవరైతే ఏమిటి గురి వుంటే చాలదా?
నేనెక్కువ నువు తక్కువ అన్నదెవరు నేస్తమా
ప్రాంతాలు ఏవైతే ఏమిటి కలిసుంటే చాలదా?
మానవ జన్మన్నది దేవుడిచ్చిన వరమేగా
కులమేదైతే ఏమిటి మనిషిగ వుంటే చాలదా?
పుస్తకాలు తిరగేస్తే ఆత్మ శుద్ధి అవుతుందా
చదువేదైతే ఏమిటి విజ్ఞత వుంటే చాలదా?
సేవే గమ్యమైతే అధికారం మార్గమా
పదవేదైతే ఏమిటి పాటవముంటే చాలదా?
అలుపెరుగక అనుకున్నది రాసెయ్ ఈడూరీ
అవార్డు రాకుంటే ఏమిటి చప్పట్లుంటే చాలదా?
chappatlu vinapaddayandee?
ReplyDeleteమీ చప్పట్లు వినబడ్డాయి సూర్యలక్ష్మి గారూ....ధన్యవాదాలు
Deleteచాలదా? అని అంటే ఎలాగండి....మనిషి ఆశాజీవి కదా:-) బాగుంది.
ReplyDeleteమనిషి ఆశాజీవే పద్మార్పిత గారూ కానీ కొన్ని విషయాల్లో త్రుప్తి కూడా అవసరమేగా :) మీ స్పందనకి ధన్యవాదాలు
Delete