ఏ మగాడి పశుప్రవర్తనో
ఏ వయ్యారి కాలు జారెనో
ఏ చీకటి ఆట ఫలితమో
ఏ జన్మలోని పాపమో
కరకు గుండె తల్లయింది
చిట్టితల్లి బరువయింది
చెత్తకుప్ప ఇల్లయింది
దిక్కులేని బతుకయింది
ఏ కుక్క లాక్కుపోవునో
ఏ పంది నమిలి మింగునో
నాకెలా ఈ గతి పట్టింది?
ఇందుకేనా నేను పుట్టింది?
దేవుడా నువు నిజంగా వున్నావా?
వుంటే ఒక అవకాశం ఇస్తావా?
నా ప్రాణం నువు కాపాడు
నా అండగా సదా నిలబడు
మగ పురుగుల మదమణుస్తాను
అబల చేతికి అధికారమిస్తాను
భ్రూణ హత్యలు ఆపిస్తాను
వీరంగం స్రుష్టిస్తాను
ఆదిశక్తిగ అవతరిస్తాను
ఆడదేంటో తెలియజేస్తాను
మొండికేస్తే అంతుచూస్తాను
మోకరిల్లితే మోక్షమిస్తాను
No comments:
Post a Comment