బాధెందుకు?

వెన్నెల లేదేమని బాధెందుకు? నీ నవ్వుల జల్లుండగా
భానుడు రాలేదని బాధెందుకు? నీ ప్రేమల వెలుగుండగా 

వేసవిలోన చల్లగాలి ఆశించుట కూడా తప్పేనా?
మల్లెల వాసన లేదని బాధెందుకు? నీ ఊహల తావుండగా

ఆకాశంలో పక్షిలా ఎగరడమదెంత కష్టం నాకూ  
మేఘాల జాడేదని బాధెందుకు? నీ ఊహల తోడుండగా

ఏడారిలో దాహాలకు లోటంటూ ఏముందిలే ప్రియా 
ఒయాసిస్సు లేదని బాధెందుకు? నీ అధరామృతముండగా   

ఏడేడు జన్మాల బంధాలు నిజమో కాదో తెలియదు మరి
ఎడబాటు తలచి బాధెందుకు? నా చేతిలొ నీ చేయుండగా