మనసు కిటికీ
Wednesday, April 20, 2011
వేసవి మంచిదే
మధ్యాహ్నం మామిడికాయ పప్పు
సాయంత్రం తియ్యటి మామిడి పండు
రాత్రి మూరెడు మల్లెపూలు
వేసవి మంచిదే!
Tuesday, April 12, 2011
సీతమ్మ
అడవికి రమ్మన్నా
దుంపలు తినమన్నా
అగ్గిలో దూకమన్నా
ఆఖరికి పొమ్మన్నా
అంగీకరించింది
సీతమ్మ
అది పతివ్రత
లక్షణమంది
నాటి బామ్మ
పురుషాహంకారమంది
నేటి భామ
Thursday, April 7, 2011
అన్నా హజారే
బాపూ తెచ్చిన స్వాతంత్ర్యం చేజారె
అడుగో వచ్చె అన్నా హజారే
గర్జిస్తే ఈ ప్రజస్వామ్య పూజారే
లంచగొండ్ల గుండెలిక బేజారే
Monday, April 4, 2011
ఉగాది అంటే??
మాలిన్యమనే కుబుసం విడిచి
మనిషి తనమనే మరో చొక్కా తొడిగి
నవరసాల్ని షడ్రుచులుగా చేసిన పచ్చడి తిని
నవ వసంతాన్ని ఆహ్వానించడమే ఉగాది!!
Newer Posts
Older Posts
Home
Subscribe to:
Posts (Atom)