చాలు

అమ్మాయికి ఒక్క నవ్వు యిస్తే చాలు
ఓరకంట ఒక్క చూపు చూస్తే చాలు

పొద్దంతా చెప్పేందుకు ఏముంటాయి? 
రోజుకొక్క ప్రేమలేఖ రాస్తే చాలు

బంగారం, వెండిలోనె వుందా విలువ?
వాలుజడకు మల్లెపూలు తెస్తే చాలు

మహారాణి లాగ తనను చూడాలేంటి?
నీ ఎదపై తన బొమ్మను గీస్తే చాలు

అందమైన సమాధులే కట్టవద్దులె
నీ ఒడిలో తను కన్నులు మూస్తే చాలు

దినమంతా పనులేనా తప్పు సోదర 
ఒక్క క్షణం తనకోసం దాస్తే చాలు

వనితలేమి కోరుకొందురింతకుమించి
తన మోమున నీ నవ్వులు పూస్తే చాలు