అంతా మాయే

 నేతలు నీతులు చెబుతామంటే అంతా మాయే
దొంగలు మంచిగ అవుతామంటే అంతా మాయే 
రోజుకి చెంచా కన్నీరొదలని మహిళలు గలరా 
వనితలు టీవీ చూడము అంటే అంతా మాయే
పొరుగున ఇంట్లో కూరని తింటే రుచియే కాదా 
భర్తలు భార్యని పొగుడుతు ఉంటే అంతా మాయే  
చదువులు వదిలి ఛాటింగు చేయుట ఫ్యాషను నేడూ 
పిల్లలు నెట్టుకి దూరము అంటే అంతా మాయే 
మతాలు అన్నీ మనిషిని మనిషిగ మార్చుటకేగా 
ముష్కర మూకలు జీహాదంటే అంతా మాయే 
టీవీ తారకి ఏవీ రావని తెలిసిందేగా
చక్కని తెలుగూ వచ్చని అంటే అంతా మాయే 
కామెడి అంటే వెకిలి చేష్టలూ వెటకారాలూ 
బూతులు వదిలీ బుధ్ధిగ ఉంటే అంతా మాయే  
తేరగ వచ్చే డబ్బుని చూస్తే ఆశే మనకూ 
వరుడే కట్నం వద్దని అంటే అంతా మాయే      
నోటికి వచ్చిందేదో రాసి పారేస్తే యెలా
ఈడూరి రాయడమొచ్చని అంటే అంతా మాయే