జిందగీ

ఎన్నొ ఏళ్ళ మధ్యంలా ఊరిస్తోంది జిందగీ 
ఎదురింట్లో పిల్ల లాగ కవ్విస్తోంది జిందగీ

అందనిదే అందినట్టు అల్లరులే చేస్తుంటే   
ఎడారిలో ఎండమావి అనిపిస్తోంది జిందగీ 

కన్ను మూసి తెరుచు లోపు కనుమరుగౌ తారలాగ
మనసుతోటి దోబూచులె ఆడిస్తోంది జిందగీ

ఏ నిముషం ఏమగునో ఎవరికెరుక ఈజగతిలొ 
సంద్రంలో కెరటంలా పడిలేస్తోంది జిందగీ 

ఐదేళ్ళకు ఒక్కసారి అగుపించే నాయకుడా
అన్నట్టుగ ఒకోసారి మురిపిస్తోంది జిందగీ

తప్పొప్పులు అతిసహజం నాటకాలు జీవితాలు 
టీవీలలొ సీరియల్సు మరిపిస్తోంది జిందగీ  

అమాయకపు చేపపిల్ల నువ్వేనా ఈడూరీ 
నెమ్మదిగా ఎరవేసీ వలలేస్తోంది జిందగీ