Saturday, May 2, 2015

ప్రపంచ హాస్య దొనోత్సవ సందర్భంగా

ఇంటికి చుట్టాలొచ్చినా ఫేసు బుక్కు పోస్టే
పెళ్ళాం ఊరికి వెళ్ళినా ఫేసు బుక్కు పోస్టే  

నిజాయితి కనుమరుగైన ఈనాటి లోకములో 
ఆటోవాడు మీటరేసినా ఫేసు బుక్కు పోస్టే
  
మీటలు నొక్కితే పనులైపోతాయి మహిళలకి 
పనిమనిషి రాకపోయినా ఫేసు బుక్కు పోస్టే  

అంకెలతొ గారడీలు చేసే స్కూళ్ళకు కరువా 
పిల్లోడికి ర్యాంకొచ్చినా ఫేసు బుక్కు పోస్టే 

నచ్చిన హీరో సినిమా మొదటి ఆట చూడాలి  
హాల్లోన సీటు దొరికినా ఫేసు బుక్కు పోస్టే  

శతృవులకి ఏమి జరిగినా ఆనందమే కదా   
అత్తగారు జారిపడినా ఫేసు బుక్కు పోస్టే     

తొలి సంతానం కోతికి కొబ్బరి కాయ లాటిది 
చంటి బిడ్డ బట్ట తడిపినా ఫేసు బుక్కు పోస్టే  

ఈడూరీ ఇదెక్కడి మాయలోకమో చూడర 
ఎంత చెత్త కవిత రాసినా ఫేసు బుక్కు పోస్టే  

1 comment:


  1. ప్రపంచ హాస్య ''దొన్నోత్సవం" !!

    జిలేబి

    ReplyDelete