మారదు లోకం

భానుడే పశ్చిమాన ఉదయించినా మారదు లోకం
రాముడే మరోసారి జన్మించినా మారదు లోకం  

ట్రాఫిక్కు చిక్కులే, ఏ రోడ్డైనా శవాల గుట్టలె    
వాసుదేవుడే రధం నడిపించినా మారదు లోకం 

కాలుష్యాల కోరలలో కరడు గట్టినా హృదయాలు   
శివుడే ఈ గరళాలు కబళించినా మారదు లోకం      

నేరమూ ఘోరమూ దినచర్యలు ఈ పుణ్య భూమిలో    
బ్రహ్మ దేవుడే మరల సృష్టించినా మారదు లోకం 

చౌకబారు చదువులతో తరిగిపోయె ఘన విజ్ఞానం 
మన వేదాలను తిరగ రాయించినా మారదు లోకం 

ఈడూరికి బాగా తెలుసునండి యిది పాడు ప్రపంచం   
ముక్కోటి దేవతలూ కరుణించినా మారదు లోకం