ప్రేమకు ఎవరైతే ఏమిటి మనసుంటే చాలదా?
దేవుడు ఎవరైతే ఏమిటి గురి వుంటే చాలదా?
ఎక్కువ తక్కువ ఎన్నడూ ఎంచవద్దు నేస్తమా
ప్రాంతం ఏదైతే ఏమిటి కలిసుంటే చాలదా?
మానవ జన్మ అందరికి భగవంతుని వరమే కదా
మరి కులమతాలు ఏమిటి మనిషిగ వుంటే చాలదా?
పుస్తకాలు ఎన్నిచదివిన ఆత్మ శుద్ధి అవుతుందా
చదువులు ఏవైతే ఏమిటి విజ్ఞత వుంటే చాలదా?
సేవే గమ్యమనే వారికి అధికారం మార్గమా
పదవి ఏదైతే ఏమిటి పాటవముంటే చాలదా?
అలుపెరుగక అనుకున్నది రాసెయ్యిక ఈడూరీ
ఇనాం లేకుంటే ఏమిటి పాఠకులుంటే చాలదా?
No comments:
Post a Comment