నువ్వు లేకుంటే

ఈ వన్నెలు అంటేవా పొదరిళ్ళకి, నువ్వు లేకుంటే 
ఈ ముగ్గులు వుండేవా వాకిళ్ళకి, నువ్వు లేకుంటే

అందాలను పొందికగా ఏరికూర్చినట్టి రూపానివి  
ఈ విందులు అందేవా నాకళ్ళకి, నువ్వు లేకుంటే

ఊపిరాగిపోయేనా అనిపించే తీపి పరవశాలు 
ఈ బిగువులు దక్కేవా కౌగిళ్ళకి, నువ్వు లేకుంటే

మనకలయిక అతిమధురం శుభతరుణం ప్రేమ రాజ్యానికి  
ఈ పసుపులు తగిలేవా మావిళ్ళకి, నువ్వు లేకుంటే

వలపంతా రంగరించి నిధిలాగా పోత పోసినాను    
సిరిబిందెలు చేరేవా కావిళ్ళకి, నువ్వు లేకుంటే