ఇచ్చిన ప్రతి ఆర్డర్ క్షణంలో నా ముందుకి వచ్చేస్తుంటే
ఏ సినిమా హీరోయినో ఊహల్లో కలిసి చిందేస్తుంటే
చికెన్ పకోడి అమ్మే చిన్నది ఓరకంట నన్నే చూస్తుంటే
తలకెక్కిన కిక్కు రోజంతా కార్చిన చెమటను తుడుస్తుంటే
నే తాగితే తప్పేంటి..........?
నా చుట్టూ స్వర్గం ఆవరిస్తూంటే
నా బాధలు సకలం ఆవిరౌతుంటే
నా పెళ్ళం రంభలా అనిపిస్తుంటే
నా పిల్లలు దేవదూతల్లా కనిపిస్తుంటే
నే తాగితే తప్పేంటి..........?
కష్టాల కడలిని ఇష్టాల ఊయలగా మారుస్తుంటే
అంతుచిక్కని వేదనని ఆనందం కప్పేస్తుంటే
భారీగా మారిన బతుకును ఈజీగా మరిపిస్తుంటే
వురేసుకున్నా దొరకని చావును నా ముంగిట నిలబెడుతుంటే
నే తాగితే తప్పేంటి....అవును నే తాగితే తప్పేంటి..........?
No comments:
Post a Comment